సివిల్ సర్వీసెస్ షటిల్ బ్యాడ్మింటన్‌లో సింగిల్స్, డబుల్స్‌లో ప్రథమ స్థానం.
సిరివెలుగు, రాజన్న సిరిసిల్ల: హైదరాబాద్‌లోని ఎల్బీ స్టేడియంలో అక్టోబర్ 7న నిర్వహించిన అఖిల భారత సివిల్ సర్వీసెస్ రాష్ట్రస్థాయి టోర్నమెంట్‌లో రాజన్న సిరిసిల్ల జిల్లా వ్యవసాయ అధికారి అఫ్జల్ బేగం ప్రతిభ చాటారు. షటిల్ బ్యాడ్మింటన్ సింగిల్స్, డబుల్స్ విభాగాల్లో పాల్గొన్న ఆమె రెండు విభాగాల్లోనూ ప్రథమ స్థానం సాధించి జాతీయ స్థాయి పోటీలకు ఎంపికయ్యారు. ఈ సందర్భంగా జిల్లా యువజన, క్రీడల శాఖ అధికారి ఏ. రాందాస్ అఫ్జల్ బేగంను అభినందించారు. జాతీయ స్థాయి పోటీల్లోనూ విజయం సాధించి జిల్లాకు మంచి పేరు తీసుకురావాలని ఆకాంక్షించారు.
